ಕುಮಾರವ್ಯಾಸನ ಭಾರತ ಕಥಾಮಂಜರಿ ಅಹಂಕಾರ ನಿರಶನದ ರೂಪಕ

ಕೃಷ್ಣಮೂರ್ತಿ ಹನೂರು

 ಕುಮಾರವ್ಯಾಸನ ಭಾರತ ಕಥಾಮಂಜರಿ ಅಹಂಕಾರ ನಿರಶನದ ರೂಪಕ <p><sub> ಕೃಷ್ಣಮೂರ್ತಿ ಹನೂರು </sub></p>

ಕುಮಾರವ್ಯಾಸನ ಪ್ರಕಾರ ಭೀಮನು ಅರಣ್ಯವನ್ನೇ ಬಗಿದು ಹೊಕ್ಕುಬಿಟ್ಟ. ಆದರೆ ಭೀಮನ ಈ ಬಲವು ಮುಂದೆ ಎದುರಾಗುವ ವಾನರನ ಬಾಲದ ಒಂದು ರೋಮವನ್ನು ಅಲ್ಲಾಡಿಸದಂತಾಯಿತು! ಆಂಜನೇಯನ ಬಾಲದ ರೋಮವು ಒಂದು ತೃಣ ತೂಕವಾದರೆ ಇತ್ತ ಭೀಮನ ಅಸದಳ ಆಡಂಬರ ಬೆಟ್ಟದಷ್ಟು. ಇವೆರಡರ ಬಲಾಬಲಗಳ ತುಲನೆ ಓದುಗರ ಕಣ್ಮುಂದೆಯೇ ಜರುಗುತ್ತದೆ. ಕುಮಾರವ್ಯಾಸನು ತಾನು ಸೃಷ್ಟಿಸುವ ಪಾತ್ರಗಳನ್ನು ಸಾಮಾನ್ಯ ರೂಪಿನಲ್ಲಿಯೂ ಅಂತೆಯೇ ಅಸಾಮಾನ್ಯ ರೂಪದಲ್ಲಿಯೂ ನೋಡಬಲ್ಲವನಾಗಿರುತ್ತಾನೆ. ಸೌಗಂಧಿಕಾ ಪುಷ್ಪವನ್ನು ತರಲು ಹೊರಟ ಭೀಮನಿಗೆ ಅರಣ್ಯದಲ್ಲಿ ಕಂಡ ಕಪಿ ಮೊದಲಿಗೆ ಸಾಮಾನ್ಯ ರೂಪಿ. […]

ಸಿನಿಮಾ ಟಾಕೀಸು

ರಹಮತ್ ತರೀಕೆರೆ

 ಸಿನಿಮಾ ಟಾಕೀಸು <p><sub> ರಹಮತ್ ತರೀಕೆರೆ </sub></p>

ಬಾಲ್ಯವನ್ನು ವರ್ಣರಂಜಿತಗೊಳಿಸಿದ ಟಾಕೀಸುಗಳನ್ನು ಈಚೆಗೆ ಊರಿಗೆ ಹೋದಾಗ ನೋಡಿದೆ. ಮತಾಪು ಉರಿದ ದೀಪಾವಳಿ ಹೂಕುಂಡಗಳಂತೆ, ಮಂತ್ರಶಕ್ತಿ ಕಳೆದುಕೊಂಡ ದಂಡಗಳಂತೆ ಕಂಡವು. ನಮ್ಮೂರಿನಲ್ಲಿ ಅದರ ಕಣ್ಣುಗಳಂತೆ ಎರಡು ಸಿನಿಮಾ ಟಾಕೀಸುಗಳಿವೆ‘ಭಾರತ’-‘ವಿನಾಯಕ’. ಹಳಬರು ಇವನ್ನು ಸ್ಥಾಪನ ಚರಿತ್ರೆಯ ಆಧಾರದಲ್ಲಿ ಹಳೇಟಾಕೀಸ್ ಹೊಸಟಾಕೀಸ್ ಎನ್ನುವರು. ಇವೆರಡೂ ಊರೆದೆಯ ಮೇಲೆ ಹಾದುಹೋಗಿರುವ ಬೆಂಗಳೂರು-ಹೊನ್ನಾವರ ರಸ್ತೆಯ ಎರಡು ದಿಕ್ಕಿನಲ್ಲಿವೆ. `ಭಾರತ’ದಲ್ಲಿ ಸಮಸ್ತ ಭಾರತೀಯ ಭಾಷಾ ಚಿತ್ರಗಳು; `ವಿನಾಯಕ’ದಲ್ಲಿ ಹೆಚ್ಚಾಗಿ ಕನ್ನಡ ಸಿನಿಮಾ. ಇವು ಜನರ ಅಭಿರುಚಿಗೆ ಅನುಸಾರ ಸಿನಿಮಾ ಹಾಕುತ್ತಿದ್ದವೊ, ಜನರ ಅಭಿರುಚಿಯನ್ನೂ ತಿದ್ದುತ್ತಿದ್ದವೊ […]

ನಮ್ಮ ಊರಿನ ಮಾತಿನ ಚತುರರು

ಪ್ರೊ.ಜಿ.ಶರಣಪ್ಪ

 ನಮ್ಮ ಊರಿನ ಮಾತಿನ ಚತುರರು <p><sub> ಪ್ರೊ.ಜಿ.ಶರಣಪ್ಪ </sub></p>

ನಮ್ಮ ಊರಿನ ಜನರೇ ವಿಚಿತ್ರ. ಅದು ಎಲ್ಲಿ ಮಾತು ಕಲಿತುಕೊಂಡು ಬಂದರೋ ಏನೋ ಸಂದರ್ಭಕ್ಕೆ ತಕ್ಕಂತಹ ಮಾತುಗಳನ್ನು ಆಡಿ ಕೇಳುಗರನ್ನು ಮೈಮರೆಯಿಸಿ ಬಾಯಿ ಮುಚ್ಚುವಂತೆ ಮಾಡಿಬಿಡುತ್ತಾರೆ. ಅವರ ಮಾತು ಸಂದರ್ಭಕ್ಕೆ ತಕ್ಕಂತೆ ಬಹಳ ಸೊಗಸಾಗಿರುತ್ತದೆ. ನನ್ನ ಊರು ಸೂರಗೊಂಡನಹಳ್ಳಿ, ಚಿತ್ರದುರ್ಗ ಜಿಲ್ಲೆ ಹಿರಿಯೂರು ತಾಲೂಕಿನಲ್ಲಿದೆ. ಸುಮಾರು ಮೂರು ನೂರು ಮನೆಗಳಿರುವ ಈ ಗ್ರಾಮದಲ್ಲಿ, ಎಲ್ಲಾ ಜನಾಂಗದವರಿದ್ದಾರೆ. ಪ್ರತಿ ಒಂದು ಜನಾಂಗಕ್ಕೂ ಅವರದೇ ಆದ ದೇವರು. ಯಾವುದೇ ದೇವರ ಹಬ್ಬ-ಜಾತ್ರೆ ಆದರೂ ಅಲ್ಲಿಗೆ ಪ್ರತಿ ಒಂದು ಜಾತಿಯವರೂ ಕಲೆತು […]

ಕಬಡ್ಡಿ ಎಂಬ ದೈಹಿಕ ಕಸರತ್ತಿನ ಆಟ

ಕೆ.ವಿ.ಪರಮೇಶ್

 ಕಬಡ್ಡಿ ಎಂಬ ದೈಹಿಕ ಕಸರತ್ತಿನ ಆಟ <p><sub> ಕೆ.ವಿ.ಪರಮೇಶ್ </sub></p>

ಕಬಡ್ಡಿ ಪ್ರಸಕ್ತ ವಿಶ್ವಕಪ್ ಮಟ್ಟದಲ್ಲಿ ನಡೆಯುವಷ್ಟರಮಟ್ಟಿಗೆ ಖ್ಯಾತಿ ಪಡೆದಿದೆ. ಏಷ್ಯಾಕಪ್ ಜೊತೆಗೆ ವಿಶ್ವಕಪ್‍ನಲ್ಲಿಯೂ ಭಾರತವೇ ಫೇವರೇಟ್ ಎನ್ನುವುದು ನಮ್ಮವರ ಪ್ರಬಲತೆಗೆ ಹಿಡಿದ ಕೈಗನ್ನಡಿ. ಹೌದು ಕಬಡ್ಡಿ ನಿಜಕ್ಕೂ ದೈಹಿಕ ಕಸರತ್ತಿನ ಗೇಮ್. ಯಾವ ವಯಸ್ಸಿನವರು ಬೇಕಿದ್ದರೂ ಆಡಬಹುದಾದ ಈ ಆಟ ಅಪ್ಪಟ ಗ್ರಾಮೀಣ ಕ್ರೀಡೆ ಎನ್ನುವುದು ನಿಸ್ಸಂಶಯ. ಈವತ್ತಿಗೆ ಈ ಕ್ರೀಡೆ ವಿಶ್ವಮಟ್ಟದಲ್ಲಿ ಪ್ರಸಿದ್ಧಿ ಪಡೆದಿದೆ ಎಂದರೆ ಅದು ಭಾರತೀಯರ ಹೆಮ್ಮೆ. ಇತ್ತೀಚೆಗೆ ಹೊನಲುಬೆಳಕಿನಲ್ಲಿ ಆಡುವ ಕಬಡ್ಡಿ ಮತ್ತಷ್ಟು ಪ್ರಖ್ಯಾತಿ ಪಡೆದಿದೆ. ಇದು ಎಷ್ಟು ರೋಚಕವೋ ಅಷ್ಟೇ […]

ಕನ್ನಡ ಚಿತ್ರರಂಗದ ದುಃಸ್ಥಿತಿ ಯಾರನ್ನು ದೂರುವುದು?

ಡಾ.ಎಂ.ಮಹ್ಮದ್‍ಬಾಷ ಗೂಳ್ಯಂ

 ಕನ್ನಡ ಚಿತ್ರರಂಗದ ದುಃಸ್ಥಿತಿ ಯಾರನ್ನು ದೂರುವುದು? <p><sub> ಡಾ.ಎಂ.ಮಹ್ಮದ್‍ಬಾಷ ಗೂಳ್ಯಂ </sub></p>

ವರ್ಷಕ್ಕೆ 250 ರಿಂದ 300 ಕನ್ನಡ ಚಿತ್ರಗಳು ರಿಲೀಸ್ ಆಗುತ್ತವೆ. ಇದರಲ್ಲಿ 50 ರಿಂದ 60 ಚಿತ್ರಗಳು ಬೇರೆಬೇರೆ ಕಾರಣಕ್ಕೆ ಬಿಡುಗಡೆ ಆಗೋದೇ ಇಲ್ಲ. ಪರವಾಗಿಲ್ಲ ಅಂತ ಹೇಳುವ ಚಿತ್ರಗಳ ಸಂಖ್ಯೆ 10 ರಿಂದ 20 ಮಾತ್ರ. ಇದರಲ್ಲೂ ಇಣುಕಿ ನೋಡಿದಾಗ 10 ರಿಂದ 15 ಸಿನಿಮಾ ಕತೆಗಳು ಅನ್ಯಭಾಷೆಯವಾಗಿರುತ್ತವೆ. ಶೇ.3 ರಷ್ಟು ಚಿತ್ರಗಳು ಮಾತ್ರ ಪಾಸಾಗುತ್ತವೆ. ಬಾಕಿ ಚಿತ್ರಗಳೆಲ್ಲಾ ತೋಪು. ಒಂದು ಕಾಲಕ್ಕೆ ಇಡೀ ದಕ್ಷಿಣ ಭಾರತದಲ್ಲಿ ಕನ್ನಡ ಚಿತ್ರರಂಗ ಹೆಸರುವಾಸಿ. ಇಲ್ಲಿ ರಿಲೀಸ್ ಆದ […]

ಕಮಲೇಂದ್ರನ ಹಲವು ಅವತಾರ!

ಬಾಲಚಂದ್ರ ಬಿ.ಎನ್.

ಐದನೇ ಕಮಲೇಂದ್ರ ಕೆಲವರನ್ನು ಗುರುತು ಹಿಡಿದ: ಕೀರ್ತಿಶೇಷ ಸರ್ದಾರ್ ಸುಂದ್ರಬಾಬು ನಾಯ್ಡು, ಸಮರಸಿಂಹ ಗೌಡೇಂದ್ರ, ವೀರಮಾತಾ ಬ್ಯಾನರ್ಜಿ, ಮಾಯಾ ಯುದ್ಧವತೀ…. ಇವರೊಡನೆ ಬೆರಳು ಚೀಪುತ್ತಾ ನಿಂತಿದ್ದ ರಾವುಲೇಶ್ವರ! ಐತಿಹಾಸಿಕ ಕುರುಕ್ಷೇತ್ರ ಕದನನಡೆದು ಅಕ್ಷೋಹಿಣಿಸೈನ್ಯಗಳುಧ್ವಂಸವಾದಮೂರುದಿನಗಳಬಳಿಕ, ದೆಹಲಿಯ ಶೆಖೆಯಲ್ಲಿ ಇಳಿಯುತ್ತಿದ್ದ ಬೆವರನ್ನೂ ಲೆಕ್ಕಿಸದೆರಾಜಭವನವೊಂದರ ಮುಂದೆ ಮೈಲಿಯುದ್ದದ ಸಾಲೊಂದು ನಿಂತಿತ್ತು. ಆಂಧ್ರಾಧೀಶ ಸರ್ದಾರ್ ಸುಂದ್ರಬಾಬುನಾಯ್ಡು, ವಂಗದ ವೀರಮಾತಾಬ್ಯಾನರ್ಜಿ, ಉತ್ತರದೇಶದ ಮುಲಾಮುಸಿಂಹ ಮತ್ತು ಮಾಯಾಯುದ್ಧವತಿ, ಕಾಶ್ಮೀರದೇಶದ ಅಬುದುಲ್ಲಾ ಮುಂತಾದವರೊಡನೆಕರುನಾಡಿನ ಸಮರಸಿಂಹಗೌಡೇಂದ್ರರು ಸಪರಿವಾರ ಆಗಮಿಸಿದ್ದರು. ಭವನದ ಹೊರಬಾಗದಲ್ಲೇ ಪೀಠ ಅಲಂಕರಿಸಿದ್ದ ಕೀರ್ತಿಶೇಷರುಗಳಾದ ನೆಹರೂ, ಇಂದಿರಾ, […]

ಚಾದಂಗಡಿ ಪ್ಯಾನೆಲ್

-ಎಸ್. ಮೆಣಸಿನಕಾಯಿ

ನಮ್ಮಸಂಗಪ್ಪಜ್ಜನ ಚಾದಂಗಡಿ ಅಂದರಅದು ಯಾವುದೇ ಟಿವಿ ಚಾನೆಲ್‍ಪ್ಯಾನೆಲ್ ಡಿಸ್ಕಶನ್ಗೂ ಕಡಿಮೆ ಇಲ್ಲದಹರಟೆ ಕಟ್ಟೆ. ‘ನಾನೂ ಒಮ್ಮೆರ ಎಲೆಕ್ಷನ್ಗೆನಿಲ್ಲಬೇಕಂತಮಾಡೀನಿ’ಅಂತ ಚಾ ಕುಡಕೊಂತಹೇಳಿದನಮ್ಮ ಕಡೆಮನಿಮಲ್ಲಪ್ಪ. ರಾಜಕೀಯ ಅಂದರಸಿಡಿಮಿಡಿಗೊಳ್ತಿದ್ದಮಲ್ಲಪ್ಪನಮಾರ್ನಿಂಗ್ ರಾಗ ಯಾಕೋಬದಲಾದಂಗ ಕಾಣಿಸ್ತು. ‘ಯಾಕಪಾಮಲ್ಲಪ್ಪ ಇವತ್ತನಿನ್ನ ರಾಗನಬದಲಾಗೈತೆಲ್ಲ…ಎಲೆಕ್ಷನ್ ನಡಿವಾಗಕುಂದಗೋಳ ಕಡೆ ಏನರಹೋಗಿದ್ದೆನುಮತ್ತ..?’ಕೆಂಡಕ್ಕಸೆದಿಹಾಕದನಾಗಪ್ಪ,‘ಕುಂದಗೋಳಕ್ಕ ಅಷ್ಟ ಅಲ್ಲಅದಕ್ಕಿಂತಮೊದಲಮಂಡ್ಯಕ್ಕೂಹೋಗಿದ್ದೆ. ಇದನ್ನೆಲ್ಲನೋಡಿದಮ್ಯಾಲನನಗಂತೂ ರಾಜಕೀಯದಹುಚ್ಚುಹಿಡಿದಬಿಟ್ಟೈತಿ. ಏನು ರೊಕ್ಕ, ಏನು ಧಿಮಾಕ, ಏನು ದೌಲತ್ತು ಈ ರಾಜಕಾರಣಿಗಳದ್ದು…’ಒಂದೇ ಸಮನೇ ಭಾಷಣ ಶುರು ಮಾಡಿದ ಮಲ್ಲಪ್ಪ. ‘ಮುಂದ ಬರೋಗ್ರಾಮ ಪಂಚಾಯಿತಿಎಲೆಕ್ಷನ್ಗೆ ನಿಲ್ಲೂದಷ್ಟಅಲ್ಲ, ಒಂದುಜಮಖಾನ ಹಾಸಿಗೊಂಡು ಹನುಮಂತದೇವರಕಟ್ಟಿಗೆಕುಂತು ಬಿಡಬೇಕಂತ ಮಾಡೀನಿ’. ಚಾದಂಗಡಿ ಪ್ಯಾನೆಲಿಸ್ಟುಗಳಿಗೆ […]

ಕವಿತೆ

ಕವಿತೆ

ಬೀದಿಯಲ್ಲಿ ಒಬ್ಬ ಮನುಷ್ಯ ಹೊರಟಿದ್ದಾನೆ ಕಾಲೆಳೆದುಕೊಂಡು ಬೀದಿಯಲ್ಲಿ ಜೇಬಿನಿಂದ ತೆಗೆದ ಬೀಡಿಯನ್ನು ಹೊತ್ತಿಸಿಕೊಂಡು ಕಡು ಬಿಸಿಲಲ್ಲಿ ಇತಿಹಾಸದ ಕಾರ್ಗತ್ತಲು ಹಕ್ಕಿಗಳ ಕಲರವ ಹಸಿರು ಹೊದ್ದ ಮರಗಳತ್ತಲೂ ಧ್ಯಾಸವಿಲ್ಲ ಅವನಿಗೆತಂತಿಯ ಮೇಲೆ ತೂಗುವ ಹಕ್ಕಿ ಅವನನ್ನು ಕಂಡಿತೋ ಇಲ್ಲವೋ ಹೇಳಲಾಗದು ಆದರೆ ಗಾಳಿ ಅವನ ಬೀಡಿಯ ಧೂಮವನು ಹೊತ್ತೊಯ್ಯುತಿದೆ ತಾ ಸಾಗುವ ಎಲ್ಲೆಯವರೆಗೂಅವನು ಬೀದಿಯಲ್ಲಿ ಹೊರಟಿದ್ದಾನೆ ಹೆಗಲಿಗೆ ಸುಖ ದುಃಖದ ಮೂಟೆ ಹೊತ್ತು ಒಟ್ಟಿನಲ್ಲಿ ಅವನ ಹೋಗುವಿಕೆಯಿಂದ ಯಾರಿಗೂ ಏನೂ ಆಗಬೇಕಿಲ್ಲ ಅವನತ್ತ ಯಾರ ಗಮನವೂ ಇಲ್ಲ ದೇವತೆಗಳಿಗೂ, […]

ಜೈಮಿನಿ ಭಾರತದ ಸೀತೆ

-ಪದ್ಮಶ್ರೀ ಕಂಪ್ಲಿ.

 ಜೈಮಿನಿ ಭಾರತದ ಸೀತೆ <p><sub> -ಪದ್ಮಶ್ರೀ ಕಂಪ್ಲಿ. </sub></p>

ಸೀತೆ ನಿಜಕ್ಕೂ ಹೆಣ್ಣೊಬ್ಬಳ ಆಂತರಿಕ ಶಕ್ತಿಯ ಪ್ರತೀಕವಾಗಿ ಕಾಣುತ್ತಾಳೆ. ಅಷ್ಟು ಗಂಡುಗಳ ಮಧ್ಯೆ ತನ್ನನ್ನು ತಾನು ಯಾವ ಹಿಂಜರಿಕೆಯಿಲ್ಲದೆ ಸಾಬೀತು ಪಡಿಸುತ್ತಾಳೆ. ಸೀತೆಯಿಂದಲೂ ದೂರವಿದ್ದ ರಾಮನನ್ನು ಅವಳೆಂದೂ ಶಂಕಿಸುವುದಿಲ್ಲ. ಮಧ್ಯಕಾಲಿನ ಕನ್ನಡದ ಶಿಷ್ಟ ಕಾವ್ಯ ಪರಂಪರೆಯಲ್ಲಿ ಕುಮಾರವ್ಯಾಸ ಭಾರತದಂತೆ ಪ್ರಸಿದ್ಧವಾದ ಕೃತಿ ಲಕ್ಷ್ಮೀಶನ ‘ಜೈಮಿನಿ ಭಾರತ’. ಈ ಕಾವ್ಯವು ಮೂವತ್ನಾಲ್ಕು ಸಂಧಿಗಳಲ್ಲಿ ನಿರೂಪಿತಗೊಂಡಿದೆ. ಜೈಮಿನಿ ಮುನಿಯು ಜನಮೇಜಯನಿಗೆ ಹೇಳಿದ ಮಹಾಭಾರತದ ಕಥೆಯಿದು. ಈ ಕಾವ್ಯದಲ್ಲಿ ಸಂದರ್ಭೊಚಿತವಾಗಿ ರಾಮಾಯಣದ ಕಥೆಯನ್ನು ಸಂಕ್ಷಿಪ್ತವಾಗಿ ಬಳಸಿದ್ದಾನೆ ಕವಿ ಲಕ್ಷ್ಮೀಶ. ಈ ಕಾವ್ಯದ […]

ಸಂಸ್ಕೃತಿಕ ಪರಂಪರೆಯ ಊರು

-ಎಂ.ಎಂ.ಶಿವಪ್ರಕಾಶ್.

 ಸಂಸ್ಕೃತಿಕ ಪರಂಪರೆಯ ಊರು <p><sub> -ಎಂ.ಎಂ.ಶಿವಪ್ರಕಾಶ್. </sub></p>

ಊರ ಮುಂದೆ ಒಂದು ಬಾವಿ, ಬದಿಯಲ್ಲೇ ನೂರಾರು ವರ್ಷಗಳ ಹಳೆಯ ದೊಡ್ಡ ಅರಳಿಮರ. ಇದರ ಕೆಳಗೆ ಯಾರಿಗಾದರೂ ಜ್ಞಾನೋದಯ ಆಗಿದ್ದನ್ನು ಯಾರೂ ಕಂಡಿಲ್ಲ. ಆದರೆ ಮರದ ಕೆಳಗಿನ ಬಾವಿಯಲ್ಲಿ ಹಲವಾರು ಜನರ ಬದುಕು ಅಂತ್ಯವಾಗಿದ್ದು ಗೊತ್ತು. ಜಾತ್ರೆಗೆಂದು ನಮ್ಮೂರಿಗೆ ಹೋಗಿದ್ದೆ. ಊರು ಹೊಕ್ಕೊಡನೆ ನಮ್ಮೂರು ಹೌದೋ, ಅಲ್ಲವೋ ಎಂದೆನಿಸಿತು; ರಸ್ತೆ ಅಗಲೀಕರಣಕ್ಕಾಗಿ ಮನೆ-ಮಠ-ಮರಗಳನ್ನು ಒಡೆದು ಹಾಕಿದ್ದರು. ಅಳಿದುಳಿದ ಮನೆಗಳ ಅವಶೇಷಗಳನ್ನು ನೋಡಿದಾಗ, ನಮ್ಮೂರಿನ ಸಾಂಸ್ಕೃತಿಕ ಹೊಟ್ಟೆಯನ್ನೇ ಸೀಳಿದಂತೆ ಭಾಸವಾಯಿತು. ಬಳ್ಳಾರಿ ಜಿಲ್ಲೆಯ ಹಡಗಲಿ ತಾಲೂಕಿನ ಹಿರೇಹಡಗಲಿ ನನ್ನೂರು. […]

ಹೆದರಿ ಸಾಯೋರು

-ಗುರುಪ್ರಸಾದ ಕುರ್ತಕೋಟಿ.

 ಹೆದರಿ ಸಾಯೋರು <p><sub> -ಗುರುಪ್ರಸಾದ ಕುರ್ತಕೋಟಿ. </sub></p>

ಉತ್ತರ ಕರ್ನಾಟಕದ ಕಡೆ, ಯಾವನಾದರೂ ಯಾವುದೋ ವಿಷಯಕ್ಕೆ ಹೆದರಿದ ಅಂದ್ರೆ ಸಾಮಾನ್ಯವಾಗಿ ಅವನನ್ನು ಗದರಿಸುವ ಪರಿ ಎಂದರೆ `ಯಾಕ್ ಹೆದರಿ ಸಾಯ್ತಿ?’ ಅಂತ. ಮೊದಲೇ ಕಂಗಾಲಾದವನನ್ನು ಹೀಗೆ ಬೈದರೆ ಅವನ ಪರಿಸ್ಥಿತಿ ಏನಾಗಬೇಡ! ಈ ಬೈಗಳು ಒಂದು ತರಹ ಧೈರ್ಯವನ್ನು ತುಂಬೋ ಪ್ರಯತ್ನ ಕೂಡ ಹೌದು. `ಕೂಲ್ ಡೌನ್ ಬ್ರೋ’ ಅಂದಂಗೆ! ಹೆದರಿಕೆ ಯಾವುದ್ಯಾವುದಕ್ಕೆ ಅಥವಾ ಯಾವ್ಯಾವಾಗ ಬರುತ್ತದೆ ಅನ್ನುವುದು ಆಯಾ ಪರಿಸ್ಥಿತಿಗೆ ಸಂಬಧಿಸಿದ್ದು. ಆದರೆ ಕೆಲವರು, ನಾನು ಯಾರಿಗೂ ಹೆದರೋದೇ ಇಲ್ಲ ಅಂತ ಹೇಳ್ತಿರ್ತಾರೆ. ಅಂಥವರಲ್ಲೂ […]

ನನ್ನ ಹೊಟ್ಟೆಯ ಕತೆ

-ಸಹನಾ ಕಾಂತಬೈಲು.

ನನ್ನ ತೋಟ, ಮನೆಕೆಲಸಕ್ಕೆ ಬರುವ ಹೆಂಗಸರು ಯಾವ ಡಯಟನ್ನೂ ಮಾಡುವುದಿಲ್ಲ. ನಾನು ಕೊಟ್ಟ ಸಿಹಿತಿನಸು, ಎಣ್ಣೆತಿಂಡಿ, ರಾಶಿಅನ್ನ ಎಲ್ಲವನ್ನೂ ಚೂರೂ ಬಿಡದೆ ಪ್ರಸಾದವೆಂಬಂತೆ ತಿನ್ನುತ್ತಾರೆ. ಆದರೂ ಅವರ ಹೊಟ್ಟೆ ಚಪ್ಪಟೆ. ಇದು ಹೇಗೆ ಸಾಧ್ಯ? ಎಲ್ಲರೂ ನನ್ನನ್ನು ಸುಂದರಿ ಎಂದು ಯಾವ ಅಳತೆಮಾಪನ ಇಟ್ಟು ಹೇಳುತ್ತಾರೋ ಗೊತ್ತಿಲ್ಲ. ಏಕೆಂದರೆ ನನ್ನ ಹೊಟ್ಟೆಯನ್ನು ಅಲ್ಲಲ್ಲ ಹೊಟ್ಟೆಯ ಗಾತ್ರವನ್ನು ನೋಡುವಾಗ ನನಗೇ ನಾಚಿಕೆಯಾಗುತ್ತದೆ. ಅದುವರೆಗೂ ಬೆನ್ನಿಗೆ ಅಂಟಿಕೊಡಿದ್ದ ಹೊಟ್ಟೆ ಮದುವೆಯಾಗಿ ಮಕ್ಕಳಾದ ಮೇಲೆ ಅದ್ಹೇಗೆ ಬಲೂನು ಅಡಗಿಸಿಟ್ಟುಕೊಂಡಂತೆ ಉಬ್ಬಿತು ಎಂದು […]

ಲಗೋರಿ ಎಂಬ ಲವ್ಲಿ ಗೇಮ್

-ಕೆ.ವಿ.ಪರಮೇಶ್.

 ಲಗೋರಿ ಎಂಬ ಲವ್ಲಿ ಗೇಮ್ <p><sub> -ಕೆ.ವಿ.ಪರಮೇಶ್. </sub></p>

ಅಪರೂಪದ ಹಾಗೂ ಅಷ್ಟೇ ಉಲ್ಲಾಸಕರ ಆಟ ‘ಲಗೋರಿ’. ಈ ಹೆಸರು ಪುಟಾಣಿಗಳಲ್ಲಷ್ಟೇ ಅಲ್ಲ, ಯುವಕರು ಹಾಗೂ ಹಿರಿಯರಲ್ಲೂ ಉತ್ಸಾಹದ ಚಿಲುಮೆ ಮೂಡಿಸುವಂತಹದ್ದು. ಜನಪದ ಅಥವಾ ಸಾಂಪ್ರದಾಯಿಕ ಕ್ರೀಡೆಗಳು ಮನರಂಜನೆಯೊಂದಿಗೆ, ದೈಹಿಕ ಕಸರತ್ತು ಮತ್ತು ಒಗ್ಗಟ್ಟನ್ನು ಕಾಪಾಡುವ ಮೂಲ ಉದ್ದೇಶ ಹೊಂದಿವೆ ಎನ್ನುವುದು ಅನೇಕ ಸಂದರ್ಭಗಳಲ್ಲಿ ಇತಿಹಾಸಕಾರರಿಂದಲೇ ಉಲ್ಲೇಖಿಸಲ್ಪಟ್ಟಿವೆ. ಈ ಆಟಗಳಿಗೆ ಸರಳವಾಗಿ ಎಲ್ಲೆಡೆ ಲಭ್ಯವಾಗುವ ಕ್ರೀಡಾ ಸಾಮಗ್ರಿಗಳನ್ನು ಬಳಸುವುದು ಮತ್ತೊಂದು ಧನಾತ್ಮಕ ಅಂಶ. ಇಂತಹ ಅಪರೂಪದ ಹಾಗೂ ಅಷ್ಟೇ ಉಲ್ಲಾಸಕರ ಆಟ ‘ಲಗೋರಿ’. ಈ ಹೆಸರು ಪುಟಾಣಿಗಳಲ್ಲಷ್ಟೇ […]

ನೀರಸ ನಿರ್ದೇಶನದಲ್ಲಿ ನರಳುವ ‘ಮಗಳು ಜಾನಕಿ’

-ವೈ.ಕೆ.ಸಂಧ್ಯಾ ಶರ್ಮ.

ಪ್ರಪ್ರಥಮವಾಗಿ ನಾನಿಲ್ಲಿ ಗಮನಿಸಿದ್ದು ಟಿ.ಎನ್.ಸೀತಾರಾಂ ಅವರ `ಸೆನ್ಸಿಬಲ್ ಟಚ್’ ಕಾಣೆಯಾದದ್ದು! ಸಂಚಿಕೆಗಳ ಬರವಣಿಗೆ, ನಿರ್ದೇಶನ ಬೇರೆಯವರಿಗೆ ವಹಿಸಿದ್ದರೂ ಅದನ್ನು ಪರಾಮರ್ಶಿಸುವುದು ನಿರ್ದೇಶಕರಾದವರ ಜವಾಬ್ದಾರಿಯಲ್ಲವೇ? ನಟ, ನಾಟಕಕಾರ, ಲೇಖಕ ಟಿ.ಎನ್.ಸೀತಾರಾಂ ಅವರನ್ನು ಸುಮಾರು ಮೂವತ್ತೈದು ವರ್ಷಗಳಿಗಿಂತ ಮುಂಚಿನಿಂದಲೂ ಬಲ್ಲೆ. ಪಿ.ಲಂಕೇಶರ ಒಡನಾಟವಿದ್ದ ಗಂಭೀರ ಬರಹಗಾರ ಎಂಬ ಮೆಚ್ಚುಗೆಯೂ ಜೊತೆಗೆ. `ಮಾಯಾಮೃಗ’ ಧಾರಾವಾಹಿಯ ಕೆಲವು ಸಂಚಿಕೆಗಳನ್ನು ನೋಡಿದ್ದೆ. ಮಧ್ಯಮ ವರ್ಗದ ಸಮಸ್ಯೆಗಳು, ಸಹಜ ಪಾತ್ರ ಚಿತ್ರಣ, ಆಸಕ್ತಿಕರ ಸಂಭಾಷಣೆಗಳು, ಉತ್ತಮಾಭಿನಯ ಇತ್ಯಾದಿ ಅಂಶಗಳು ನನ್ನನ್ನು ಹಿಡಿದಿಟ್ಟಿದ್ದವು. ಎಲ್ಲಕ್ಕಿಂತ ಹೆಚ್ಚಾಗಿ `ಸೀತಾರಾಂ […]

ಭಾರತೀಯ ಸಿನಿಮಾ ದಿಗಂತ ವಿಸ್ತರಿಸಿದ ರಿತುಪರ್ಣೊ ಘೋಷ್

-ಮಂಜುಳಾ ಪ್ರೇಮಕುಮಾರ್.

 ಭಾರತೀಯ ಸಿನಿಮಾ ದಿಗಂತ ವಿಸ್ತರಿಸಿದ ರಿತುಪರ್ಣೊ ಘೋಷ್ <p><sub> -ಮಂಜುಳಾ ಪ್ರೇಮಕುಮಾರ್. </sub></p>

ಬೆಂಗಾಳಿ ನಟ, ನಿರ್ದೇಶಕ ರಿತುಪರ್ಣೊ ಘೋಷ್ ಮೃತರಾಗಿ ಇದೇ ಮೇ 30ಕ್ಕೆ ಆರು ವರ್ಷಗಳು ತುಂಬುತ್ತವೆ. ಅವರ ಸಿನಿಮಾಗಳನ್ನು ನೆನಪು ಮಾಡಿಕೊಳ್ಳುತ್ತ, ಅವರಿಗೊಂದು ನುಡಿ ನಮಸ್ಕಾರ ಹೇಳಲು ಈ ಟಿಪ್ಪಣಿ. ರಿತುಪರ್ಣೊ ಘೋಷ್ (1963-2013) ಭಾರತೀಯ ಸಿನಿಮಾದ ಮಹಾ ಪ್ರತಿಭೆ; ಬೆಂಗಾಳಿ ಚಿತ್ರರಂಗ ಭಾರತೀಯ ಸಿನಿಮಾಕ್ಕೆ ಕೊಟ್ಟ ಮಹತ್ವದ ಕೊಡುಗೆ. ಅವರು ನಿರ್ದೇಶಕರಷ್ಟೇ ಅಲ್ಲ ನಟ ಹಾಗೂ ಚಿತ್ರ ಕಥೆಗಾರ. ರಿತುಪರ್ಣೊ ಸುಮಾರು ಎರಡು ದಶಕಗಳ ಕಾಲ ಅತ್ಯಂತ ಕ್ರಿಯಾಶೀಲರಾಗಿ ಸಿನಿಮಾವನ್ನೇ ಉಸಿರಾಗಿಸಿಕೊಂಡು ಬದುಕಿದವರು. ಸಿನಿಮಾ ನಿರ್ಮಾಣದ […]

ಕವನಗಳು

ಕವನಗಳು

ಆ ತಾಯಿ… ನೆನೆಯುತ್ತಾ… ಮಗಳು ಬರ್ತಾಳಂತ ಮನೆಯಲ್ಲಿ ಕಾಯ್ತಿದ್ದೆ ಜಾಣೆ ಬರ್ತಾಳಂತ ಜಗುಲಿಯಲಿ ಕಾಯ್ತಿದ್ದೆ ಬಂದಳು ಮಗಳು ಹೆಣವಾಗಿ ಹೋದಳು ಓದು ಮುಗಿಯಲೆ ಇಲ್ಲ ಹೊರಟೋದಳು…   ಓದಿದರೆ ಕಷ್ಟಗಳು ಓಡುವವು ದೂರಂತೆ ಬದುಕೀನ ಬಂಧನವ ಕಳಚಿಕೊಳ್ವದಂತೆ ಓದೂವೆ ನಾನು ಹೊಸ ಬಾಳಿಗೆ ಎನುತ ಓದೂವ ಸಡಗರದಿ ಒಲವಾದಳು   ಅಂಕಗಳು ಕಡಿಮೆಂದು ಚಿಂತೆ ಮಾಡದವಳು ಅಳಬೇಡ ಅಮ್ಮ ನೀ ಎನುತ ಎದೆಗಪ್ಪಿದಳು ಓದು ಪರೀಕ್ಷೆಗಳ ಪಾಸಾದಳು ಬದುಕೀನ ಪರೀಕ್ಷೆಗೆ ಬಲಿಯಾದಳು   ಜಾಣೆ ನನಮಗಳು ಜೇನಂತ […]

ಸಾಳ್ವ ಕವಿಯ ರಸರತ್ನಾಕರ

-ಡಾ.ಮಾನಕರಿ ಶ್ರೀನಿವಾಸಾಚಾರ್ಯ.

ರಸೋತ್ಪತ್ತಿಯು ಪ್ರೇಕ್ಷಕನಲ್ಲೇ ಉಂಟಾದರೂ ನಟರ ನಟನೆಯು ಅದಕ್ಕೆ ವಿಭಾವ ಮತ್ತು ಅನುಭಾವಗಳಾಗಿ ಹೇಗೆ ಕಾರ್ಯನಿರ್ವಹಿಸುತ್ತವೆ ಎಂಬುದನ್ನು ಗೊಂದಲವಿಲ್ಲದಂತೆ ಹೇಳಿರುವುದು ಕವಿ ಸಾಳ್ವನ ವಿಶೇಷತೆಯಾಗಿದೆ. ಗೇರುಸೊಪ್ಪೆಯ ಸಾಳ್ವ ಕವಿಯು (ಕ್ರಿ.ಶ.1550) ‘ಭಾರತ’, ‘ರಸರತ್ನಾಕರ’, ‘ವೈದ್ಯಸಾಂಗತ್ಯ’, ‘ಶಾರದಾವಿಲಾಸ’(?) ಎಂಬ ಕೃತಿಗಳನ್ನು ರಚಿಸಿದ್ದಾನೆ. ಇವನು ಜೈನಕವಿ. ಇವನ ತಂದೆ ಧರ್ಮಚಂದ್ರ; ಗುರು ದೇಶಿಗಣದ ಶ್ರುತಕೀರ್ತಿ. ಆಶ್ರಯದಾತ ಗೇರುಸೊಪ್ಪೆಯ (ನಗಿರ ರಾಜ್ಯದ) ಅರಸನಾದ ಸಾಳ್ವಮಲ್ಲ ದೇವರಾಯ. ‘ರಸರತ್ನಾಕರ’ವು ಒಂದು ಕನ್ನಡ ಅಲಂಕಾರ ಗ್ರಂಥ. ಇದರ ಆರಂಭದಲ್ಲಿ ಕವಿ ಸಾಳ್ವನು ಅಮೃತಾನಂದಿ, ರುದ್ರಭಟ್ಟ, ವಿದ್ಯಾನಾಥ, […]

ಬೆಳಗಿನ ನಡಿಗೆಯ ಬೆಡಗು

-ಅಮರಜಾ ಹೆಗಡೆ.

ಒಟ್ಟಿನಲ್ಲಿ ಮುಂಜಾನೆಯ ವಿಹಾರದಿಂದ ನನ್ನ ದೇಹಭಾರವು ಕಡಿಮೆಯಾಗದಿದ್ದರೂ ಆ ರಸಕ್ಷಣಗಳ ಸಿಹಿನೆನಪಿನಿಂದ ನನ್ನ ಇಡೀ ದಿನವು ಆಹ್ಲಾದದಾಯಕವಾಗಿ ಚೈತನ್ಯಯುಕ್ತವಾಗಿ ಕಳೆಯುತ್ತಿದೆ ಎಂಬುದರಲ್ಲಿ ಎರಡು ಮಾತಿಲ್ಲ. ಕಳೆದ ಡಿಸೆಂಬರ್ 31ರಂದು ‘ಹೊಸವರ್ಷದ ಮೊದಲದಿನದಿಂದ ನಮ್ಮ ಬೆಳಗಿನ ವಾಕಿಂಗ್ ಶುರು’ ಎಂದು ಮಾಲು ಘೋಷಿಸಿದಾಗ, ತುಂಬ ದಿನಗಳಿಂದ ವಾಕಿಂಗ್ ಬಗ್ಗೆ ಪ್ಲಾನ್ ಮಾಡುತ್ತಲೇ ಕಾಲ ಕಳೆದಿದ್ದ ನಾನೂ ನನ್ನ ಏರುತ್ತಿರುವ ದೇಹಭಾರವನ್ನು ಗಮನಿಸಿ ಅದು ಜೀರೋ ಸೈಜಾಗುವ ಕನಸು ಕಾಣುತ್ತ ಸಡಗರದಿಂದಲೇ ಒಪ್ಪಿಕೊಂಡೆ. ಜೊತೆಗೆ ಏರುತ್ತಿರುವ ವಯಸ್ಸನ್ನು ಗಮನಿಸಿದಾಗ, ಮುಂಜಾನೆ […]

ರೈತರಿಗೆ ಕೃಷಿ ಆಹಾರವಲ್ಲ, ವ್ಯಾಪಾರ!

-ಸಿ.ಚಿಕ್ಕತಿಮ್ಮಯ್ಯ.

ಈಗ ನಮ್ಮೂರು ಬದಲಾಗಿರುವುದು ನಿಜ, ಹೊಸ ಪೀಳಿಗೆ ಬಂದಿರುವುದೂ ನಿಜ. ಆದರೆ, ಊರಿನ ಕುರಿತು ನನ್ನ ನೆನಪುಗಳು ಬದಲಾಗಿಲ್ಲ. ಊರಿನ ಬಗ್ಗೆ ಅದೇ ಪ್ರೀತಿ, ಅದೇ ವ್ಯಾಮೋಹ, ಅದೇ ಕಾಳಜಿ; ಸ್ವಲ್ಪವೂ ಮುಕ್ಕಾಗದೆ ಉಳಿದಿದೆ. ನಾನು ಹುಟ್ಟಿ ಬೆಳೆದ ಊರು ಹಂದನಕೆರೆ. ಈ ಊರನ್ನು ತೊರೆದು ಸುಮಾರು ನಲವತ್ತೆಂಟು ವರ್ಷಗಳಾಗಿವೆ. ಆದರೆ ನನ್ನೂರಿನ ಬಗೆಗಿನ ವ್ಯಾಮೋಹ, ಪ್ರೀತಿ, ಸೆಳೆತ ಸ್ವಲ್ಪವೂ ಕಡಿಮೆಯಾಗಿಲ್ಲ. ಈಗಲೂ ನಿವೃತ್ತಿ ಜೀವನವನ್ನು ಅಲ್ಲಿಯೇ ಕಳೆಯಬೇಕೆಂದು ಆಸೆ. ಆದರೆ ಡಾ.ರಹಮತ್ ತರೀಕೆರೆಯವರು ಒಂದು ಕಡೆ […]

1 2 3